பாலியல் கல்வி

விடலை பருவத்தில் குழந்தைகளுக்கே இருக்க கூடிய ஆர்வமும், புரிந்து கொள்ள நினைக்கும் ஆர்வத்துடிப்பும் அவர்களை தவறான பாதைக்கும் ஊடகங்களுக்கும் இட்டு செல்வதை தடுக்க பெற்றோரே இது பற்றி பேசுவது முக்கியமாகும். பெற்றோருக்கு இது பற்றி பேச க்கூச்சமாக இருந்தால், இதற்கான புத்தகங்களை நூலகத்திலிருந்து எடுத்து வந்து குழந்தைகளிடம் கொடுத்து, படிக்க சொல்லவும். சந்தேகமிருப்பின் உங்களை கேட்க தயங்கவேண்டாம் என்பதை சொல்லுங்கள்.

உங்கள் குழந்தைகள் பாலியல் பற்றியோ, பல்வினை நோய்கள் பற்றியோ கேட்டால், அறிவியல் அளவில் தயங்காமல் விடைஅளிக்கவும்.
ஆண், பெண் இருவரிடமும் மாதவிலக்கு, STD, போன்றவற்றை பற்றி பேசவும். இதற்காக தனியாக நேரம் ஒதுக்கி உங்களையும் அவர்களையும் துன்பத்துக்குகுள்ளாக்க வேண்டாம். வேறு ஏதேனும் பேசும் போது சகஜமாக் இது பற்றி பேச வேண்டும்.

பயமுறுத்த கூடாது: இது குழந்தைகளை மறைமுகமாக படிக்கவும் தேடவும் தோண்டிவிடும்.

குழந்தைகளுக்கு விருப்பம் இல்லையெனில் விட்டுவிடுங்கள். அவர்களுக்கு இது சரியான தருணமாக இல்லாமல் இருக்கலாம்.

உங்களுக்கு அவர்களின் கேள்விகளுக்கு விளக்கம் அளிக்க தயக்கம் இருப்பின் வெளிப்படையாக கூறிவிட்டு புத்தகங்கள் எடுத்து வந்து கொடுங்கள்.
கலசாரத்தையும் கல்வியறிவையும் சேர்த்து குழப்ப வேண்டாம்.புரிந்து கொள்ளுங்கள். குழந்தைகளும் அவர்களின் நண்பர்களும் பேசிக்கொள்வதை கேட்க நேர்ந்தால் உடனடியாக தலையிட்டு அவர்கள் கோபிக்க வேண்டாம் என்று சொல்லிவிட்டு, படங்களுடன் கூடிய கையேடுகளை கொண்டுவந்து படிக்க கொடுங்கள். உங்களுடைய நூலகம், பொதுநலத்துறையில் இதற்கான படங்களும் கிடக்கும் என்றும் அறிவுரை கூறலாம்.

நான் உன் வயதில் இருக்கும் போது இதை பற்றி அறிய ஆர்வம் காட்டவில்லை, வாயை மூடு, தெரியும் போது தெரிந்து கொல்ளலாம் என் கூறவேண்டாம். காலம் மாறிக்கொண்டே வருகிறது.

கொண்டு வருகின்ற புத்தகங்கள், விளக்க படங்கள் இவற்றை நீங்கள் முதலில் பார்க்க வேண்டியது அவசியம். உங்களைவிட உங்கள் குழந்தை பாலியல் முதிர்ச்சி சற்றே விரைவாக அடைவதை புரிந்துகொள்ளுங்கள்.
தந்தை தன் பிள்ளையிடமோ, தாய் தன் மகளுடனோ பேசுவது அவசியம்.

ஆண் குழந்தையிடம் கேட்கவேண்டிய சில கேள்விகள்:
1) தானாகவே வரும் விறப்புத்தன்மை
2) வெளியேறும் விந்தனுத்திரவம் (semen)
3) ஆணுறை அணியும் முறை
4) சுய இன்பம்

தாய் தன் மகளிடம் பேச வேண்டிய சில விஷயங்கள்
1) மாதவிலக்கு, சரியாக தூய்மை செய்து கொள்ளும் முறை, அதன் பயமும் உடல் பலவீனமும்
மார்பக வளர்ச்சி
2) கருத்தரிக்கும் முறை, பாதுகாப்பு

எல்லவற்றுக்கும் மேலாக இருபாலரும் தெரிந்து கொள்ளவேண்டியது: நம் அனுமதியின்றி யாரும் பாலியல் உறவில் கட்டாயப்படுத்தக் கூடாது. ஈடுபடவும் கூடாது. இது மிக தவறு.